Читаем Древнерусские патерики полностью

Что ⁷сего, братие⁸, чюднее? Прошед убо⁹ книги Ветхаго и Новаго закона¹⁰[28], нигдеже¹¹ таковых чюдес обрящеши ¹²о святых церквах, тако же¹³ о сей¹⁴ от варяг, и от самого ¹⁵Господа нашего Иисус¹⁶ Христа, и честнаго его¹⁷ божественаго и человекообразнаго подобиа: и святыа Христовы главы венец, и богозвучный глас от Христова подобиа, нести велящ¹⁸ на уготованое место, того поясом измерити¹⁹ по небесному гласу, и видена бысть преже начатиа, — како же и от грек иконе пришедши с мастеры и мощи святых мученик под всеми²⁰ стенами положены быша, идеже и сами написаны суть над мощми по стенам.

Должен есмь²¹ похвалити преже отшедших благоверных князий, и²² христолюбивых бояр²³, и честных мних. Блажен и треблажен сподобивыйся в той положен быти, великы благодати и милости от Бога²⁴ достоин бысть молитвами святыа Богородица и всех святых. Блажен воистину и треблажен сподобивыйся в той написан быти, яко оставление грехов приимет и мзды небесныа не погрешит. «Радуйте бо²⁵ ся, — pече, — и веселитеся, яко имена ваша //

л. 10 написана¹ суть на небесех»[29], — церкы² си³ Богови люблеши⁴ есть небесе. И того рожьдшиа изволи си сделати⁵, якоже обещася Влахерне мастером⁶ сим⁷, рекьши⁸: «Иду видеть церкве и в ней хощу жити». Добро убо⁹ зело и¹⁰ добро с тою¹¹ водворятися в святой еа¹² и¹³ в¹⁴ божественой церкви, и какоа¹⁵ славы и похвалы улучити¹⁶ положеный в той — и ^І7написану быти¹⁸ в животныа книгы[30], и еже ¹⁹пред тоа²⁰ очима поминаему²¹ быти всегда.

И еще вы, братие, ²²слово приложу²³ на утвержение ваше. Что сего злее, еже от таковаго света и²⁴ тму любити, и себе изметати от сеа богонареченныа церкве, еже оставити ²⁵Богом созданную²⁶ и²⁷ искати человекы сотвореное от насилия и грабления, яже²⁸ та сама вопиет на создавшаго ю²⁹. Сея же зижитель и хитрец, и художник, и творец — Бог, иже огнем Божества своего попали вещи тленныа, ³⁰древеса же и горы путь ровнаа^{31 32}дому Матере³³ своеа на преселение рабом своим. Разумейте, братие, основаниа³⁴ и³⁵ начала еа: Отець свыше благословил росою, и столпом огненым, и облаком светлым; Сын меру даровал своего поаса, аще бо и древо ³⁶видимо бяше существом³⁷, но Божиею силою одено³⁸ есть; Святый же Дух огнем невещественым яму ископа //

л. 10 об. на водружение корениа, и на сем камени согради Господь¹ церковь сию, и врата адова не удолеют еи[31]. ²Что же и³ Богородица: на 3 лета дает злата мастером, и своего ⁴образа пречестнаго⁵ икону даровав⁶, и ту наместницю постави, от неяже чюдеса многа сотваряются.

⁷И се едино скажу. Приидоша от того же богохранимаго Костянтина-града⁸ко игумену Никону⁹[32]писци иконнии, глаголюще сице: «Постави рядца¹⁰ наша¹¹, хощем ся тягати: нам показавше¹² церковь малу, ти тако урядившеся¹³ пред многими послухи, си же церкы¹⁴ велика велми; се ваше злато возмите, а мы идем ко Царюграду». Отвеща игумен: «¹⁵Какови беша¹⁶ ряд деющеи¹⁷ с вами?» Писци реша, подобие¹⁸ явше¹⁹ и²⁰ образ имени ²¹Феодосиа и Антониа²². Рече игумен: «О чада, не можем вам явити тех, преже бо 10 лет отъидоша света сего, и суть непрестанно молящеся²³ за ны, и неотступно хранят сию церковь, и снабдят свои манастырь, и промышляют о живущих в нем».

И²⁴ си²⁵ слышавше, греци ужасни бывше^{26 27}о ответе²⁸, приведоша же инех много²⁹ гостий, иже³⁰ бяше оттуду, спутшествовавше³¹ с теми греци же и обези[33]. Глаголааху: «Пред сими ряд сотворихом, злато взяхом от руку ею, и ты не хощеши нам явити ею³². Аще ли преста//вилася

л. 11 еста, яви нам образ ею, да и¹ си видят, аще та еста». Тогда игумен изнесе пред всеми иконе ею. ²Видевше же греци и обези образ ею³, и поклонишася, глаголюще, яко: «Сии еста воистину, и веруем, яко жива еста⁴ и по смерти, и можета⁵ помогати, и спасати, и заступати уповающих к нима». Вдаша же и мусию, иже бяше принесли на продание, еюже святый олтарь устроиша.

Писци же начата каятися своего согрешениа. «Егда, — реша⁷, — приидоша⁸ в Канев⁹[34] в лодиах, и се¹⁰ видехом церковь сию велику на высоте. И¹¹ вопросихом¹² же сущих с нами: «Кая си церкы¹³?» И¹⁴ реша: «Печерскаа¹⁵, ейже вы писци». ¹⁶Разневавше же ся¹⁷, хотяхом бежати вниз. В ту же нощь бысть буря велика на реце. Заутра же воставше¹⁸, обретохомся близ Треполя¹⁹[35], и лодиа сама идяше ²⁰во воз воду²¹, акы некаа сила влечашеть²² ю²³. ²⁴Мы же нужею удрожахом ю²⁵, и стоявше²⁶, ²⁷день всь²⁸, размышляюще, что се будеть, яко толик путь единою ночию проидохом²⁹, не гребуще, еже с трудом едва треми дньми ³⁰доходят инии³¹. В другую же нощь видехом сию церковь и чюдную икону наместную, глаголющи³² нам: «Человеци, что всуе мятетеся, не покоряющеся воли Сына моего и моей? Истинну вы³³ глаголю: аще мене преослушаетеся³⁴ и бежати восхощете³⁵, //